GIKATAKDANG pasakahan og kaso ang suspek sa pagpanunggab og botelya sa milabay’ng gabii sa Mother Ignacia Street, Poblacion Uno, Bansalan, Davao del Sur.
Ang biktima nailang si Mike Mala Unang, 42 anyos, nga residnete sa Purok Narra, Nazareno Street, Poblacion Uno, Bansalan.
Sa inisyal nga imbestigasyon sa Bansalan Police Station, gitawagan ang biktima sa iyang manghod ug mitug-an nga gipasanginlan kini nga nanglabay og bato sa atop sa ilang silingan.
Dali sab nga giadtuan sa biktima ang Boarding house niini sa sa Kenny Hills ug iyang naabtan ang grupo nga nag-inum.
Sa dihang misulay sa pag-uwang ang biktima, kalit na lamang nga gidunggan sa usa ka alyas Nor ang biktima gamit ang buak nga botelya sa ilimnon hinungdan nga nakaangkon kini’g mga samad sa nagkadaiyang parte sa iyang lawas.
Dali nga girespondihan sa kapulisan ang nahitabo ug gidala dayon ang biktima sa Centeno Medical Specialist Inc sa Bansalan apan gibalhin kini sa Davao Sur Provincial Hospital sa Digos City.
Giasikaso na ang ipasakang kaso batok sa suspek aron kabayran niini ang salaod nga nahimo.