LEGAZPI CITY – Arestado an sarong lalaki na may mga kasong homicide asin frustrated homicide sa Brgy. Batbat, Guinobatan, Albay.
Binisto an akusado na si alyas “Larry”, 42 anyos, warang agom asin residente kan nasambit na barangay.
Inarestar ini kan pinagsararong esfuerso kan Guinobatan MPS asin iba pang unit sa kusog kan mandahamiento de aresto para sa kasong homicide na pirmado kan Marso 30, 2015 na may piyansang PHP40,000 asin saro pang mandahamiento para sa kasong frustrated homicide na pirmado kan Hunyo 15, 2021 na may piyansang PHP72,000.
Sa ngunyan, nasa kustodiya na ini kan mga otoridad para sa magkakanigong disposisyon. | Brigada Intern FRANKLIN BANAYO