LEGAZPI CITY – Nasa kamot na kan mga otoridad an lalaking wanted sa kasong lascivious conduct sa Purok 3-B. Brgy. Barayong, Ligao City.
Binisto an akusado na si alyas “Merlito”, 32 anyos, may agom asin residente kan nasambit na barangay.
Naarestar ini kan mga personahe kan Ligao City PNP sa kusog kan mandahamiento de aresto para sa nasambit na kaso sa irarom kan Section 5-B kan Republic Act No. 7610 o Child Abuse.
Maabot man sa PHP200,000 na piyansa an itinalaan kan korte para sa saiyang temporamenteng libertad.
Nasa kustodiya na ini kan nasambit na hepatura para sa magkakanigong disposisyon.