HIMAS sa rehas ang usa ka lalaki human kini gidakop sa kapulisan tungod sa pagkupot og armas nga walay igong dukomento Sa impormayon sa Fatima Police station giila ang dinakpan nga si Reneboy Sanchez, 41 -anyos, minyo, ug residente sa Zone 1, Block 5, Barangay Fatima.
Subay sa imbestigasyon sa kapulisan nagmaoy matud pa ang suspek sa lugar pasado alas 6 sa gabie, Disyembre 14, sa pagrespondi sa kapulisan nasuko matud pa ang suspek ug gitionan niini og armas ang mga pulis.
Narekober sa posisyon ni Sanchez ang usa ka unit sa caliber 45 nga pistol ug lima ka bala. Pakyas sab nga makapresenta og dukomento ang nahisgotan rason sa pagksikop niini. Gihikutar na sa kapulisan ang kaso kalabutan sa Alarm ug Scandal ug Violation sa RA 10591 o iligal nga pagkupot og armas batok sa dinakpan. I Enamie Mogpon