Padayon nga gi-imbestigahan sa otoridad ang nahitabo nga pagpamusil kagahapong adlawa sa usa ka mall dinhe sa syudad sa Cagayan de Oro.
Gibutyag ni Police Station 2 Cogon Station Commander Police Major Julius Saluta nga mitahan kanila ang gwardya nga si SG Peter Lagrosas sa Mahogany Agency kinsa nakapusil sa lalaki nga si Kenneth Casimero.
Una nang migawas sa imbestigasyon nga sa ground floor sa mall dunay duha ka managsuon nga milakag kang Casimero tungod sa gihimo matud pa niini nga pagpangilad ug misinggit nga kawatan hinungdan nga naglakag nasab og lakip ang otoridad.
Plano sa gwardya nga dakpon si Casimero apan gasukol kini hangtod nga nakabuhi ug miabot ang paggukod kaniya sa gawas nga bahin sa mall ug didto nahitabo ang pagpamusil.
Target unta sa gwardya nga ti-ilon lamang si Casimero apan didto naigo ang bala sa likod nga bahin sa lawas ubos sa bat-ang.
Detinado karon sa Police Station 2 Cogon ang gwardya samtang gitambalan na ang napusilan nga lalaki sa balay tambalanan. Gidugang ni Major Saluta nga mihimo na og kooperasyon ang management sa mall sa kapolisan alang sa maong panghitabo.