Arestado ang isa ka lalaki matapos nagpinalupok sang armas-luthang sa Brgy. Poblacion President Roxas, Capiz.
Sandig sa impormasyon nga nakuha sang Brigada News FM Roxas City sa Pres. Roxas Municipal Police Station, ginkilala ang suspetsado kay alyas “Dodoy” residente man sang nasambit nga lugar.
Ginapahayag nga may yara sang Concerned Citizen nga nag-report sa mga kapulisan nga may yara sang lalaki nga nagapinalupok sang armas-luthang sa ila lugar.
Gilayon naman nga gin-respondehan sang mga awtoridad kag natigayon nga nadakpan si alyas “Dodoy” kun sa diin nakuha sa iya paghinakop ang 1 unit sang Caliber .45 pistol kag isa ka Magazine.
Magapangatubang sang kaso nga paglapas sa RA 10591 ukon Comprehensive Firearms and Ammunition Regulation Act kag Comelec resolution no. 10918 ukon Comelec Gun Ban ang nasambit nga suspetsado.
Sa karon, nagapabilin ini sa kustodiya sang Pres. Roxas PNP para sa nagakaigo nga disposisyon. | Judy Ann Juare