Saksak ang inabot ng isang lalaki sa kapitbahay nito sa Sitio Villa Barangay San Juan, Tiaong, Quezon nitong Huwebes, Marso 21.
Lumalabas sa imbestigasyon na habang naglalakad ang biktima sa eskinita ng nasabing lugar naharangan nito ang dadaanan ng suspek hanggang sa nagkaroon ng pagtatalo sa pagitan ng dalawa.
Tumakbo ang suspek sa bahay nito at kumuha ng kutsilyo tsaka binalikan ang biktima at walang habas itong pinagsasaksak sa katawan ang biktima, agad naman itong naisugod sa hospital upang lapatan ng lunas.
Samantala, tumakas naman ang suspek sakay ng isang motorsiklo patungong Candelaria, Quezon.
Sa ngayon, dating away ang tinitingnang motibo sa krimen at patuloy pa ring pinaghahahanap ang suspek.