LEGAZPI CITY – Kapot na kan mga otoridad an lalaki na igwa nin kasong may kinaraman sa pang-aabuso sa probinsya kan Albay, alagad nadakop sa Brgy. Pangatian, Cabanatuan, Nueva Ecija.
An responsible sa nasambitang kaso iyo an 50 anyos na lalaking may agom, barber asin presenteng nakaistar sa naunambitang barangay alagad ini residente hale sa banwaan kan Guinobatan.
Susog sa report, kan maresibe kan Camalig MPS an impormasyon, tulos ining nakipagtabangan sa Palayan CPS kan Cabanatuan nganing maarestar an suspetsado.
Nadakop ini sa kusog kan mandahamiento de aresto na pirmado kan Disyembre 14 taon 2021, para sa nasambit na kaso o an pagbalgar sa RA 7610 na igwa nin pyansang nagkakantidad PHP80,000.
Nasa kustodiya na ini kan pulisya para sa magkakanigong disposisyon.