Lalaki sa Quebec, nabasag ang Guinness record matapos mag video game ng 44 na oras

44 na oras na nagbabad sa online video game ang isang lalaki sa Quebec daan para makuha nito ang Guinness record para sa longest video game marathon.

Ayon kay Bobby Gamache, dapat sana ay tatapusin niya at ng kanyang kapatid na si Mathieu sa 34 na oras paglalaro ng World of Warcraft sa kanilang streaming channel na Twitch pero napansin nilang mayroong humahabol sa parehong Guinness record at malapit na ang mga ito sa 40-hour mark.

Dahil dito, mas nagi umano siyang determinado na ituloy pa ang paglalaro ng karagdagang 12 oras at nagawa nga nito.

Nagtala si Gamache ng final time na 44 hours, 44 minutes and 44 seconds daan para makuha niya ang Guinness World Record para sa longest video game marathon sa pamamagitan ng massively multiplayer online role-playing game o MMORPG.

Anya, para manatili siyang gising sa buong oras ng paglalaro ay kumain siya ng healthy foods, lagi siyang may kausap kaya aktibo rin siya sa chat at kaunting break.

Mababatid na ang gamer mula Florida na si Ian Haimes ang dating may hawak ng Guinness World Record para sa longest video gaming sa oras na 32 hours at 34 seconds na nagawa nito noong 2017.###