Binulabog ng malakas na pagsabog ang Lamitan City , dakong alas 6:30 kagabi
Sa panayam ng 89.9 Brigada News FM Zamboanga sa mismong hepe ng Lamitan City Police Station Police Major Nurhaib Bungkac, nangyari ang pag sabog sa harap mismo ng Lamitan City Hall sa may Barangay Maganda sa Probinisya ng Basilan.
Ayon kay Major Bungkac base sa kanilang pangangalap na imporasyon , bago umano mangyari ang insidente merong umanong dalawang suspek na nakasakay sa motorsiklo at may kargang bag ng bigla umano nitong tinapon ang nasabing bag na posibleng naglalaman ng Improvised Explosive Device o IED sa gilid ng gate tsaka ito sumabog.
Dagdag ni Bungkac wala namang nasaktan sa insidente, ngunit nasira ang ilang bahagi ng pader ng Lamitan City Hall , nasira ang water pipe sa lugar at nabasag rin ang salamin ng ilang mga sasakyan na naka parada sa labas ng City Hall, base sa statement na ibingay ng ilang mga residente sa lugar, sakay umano ang dalawang suspek sa isang honda click na kulay puti ng mangyari ang insidente
Agad naman rumisponde and miyembro ng Pulis at Militar sa lugar.
Dahil dito agad namang nag Dagdag ng ilang mga military checkpoints ang tropa ng Joint Task Force Basilan at mas lalong hinigpitan ang seguridad sa Lungsod.
Sa ngayon ay patuloy parin ang ginagawang imbestigasyon ng otoridad hinggil sa nasabing insidente upang malaman kung sino ang nasalikod ng pagpapasabog. Kathrina Aniñon