SUNOG ang landahan, sa may Purok-1 Villaflor ning syudad sa Oroquieta, nga nahitabo sa may alas 10 sa buntag, kaniadtong Mayo 25 niining tuiga.
Gisaysay sa igsoon sa tag-iya, wala sa ilaha ang igsoon niini tungod kay namista kini.
Dugang pa, niya nga nagsugod ang sunog gikan sa ladahan mikatay sa mga bunot nga mi resulta sa pagkaulbo sa kalayo, dali-daling nagtinabangay sa pagkuha ug tubig aron ibobo sa nagdilaab nga landahan og aduna usab mitawag sa buhatan sa Bureau of Fire Protection sa Oroquieta, para madaling mapatay ang kalayo.
Daling miresponde ang buhatan sa BFP, aron sa pagpalong sa sunog.
Matud pa sa team leader sa BFP, nga si Porperio B. Mayol Jr., nga adunay 300 ka mga lubi ang nasunog ug mubalor sa nagkantidad nga 2,000 ka pesos.
Halos 35 minutos, nahuman ang pagpalong sa maong kalayo. Mapasalamaton ang mga residente sa naasoy nga lugar tungod sa daling pag responde sa buhatan sa BFP.(Cj Lozano)