CAMARINES SUR- Dahil sa patuloy na pagdami ng mga unit ng E-Padyak o E-bike sa bayan ng Pili, Camarines Sur, minabuti ng lokal na pamahalaan na magsagawa ng public hearing upang mapag-usapan ang pagpasa ng ordinansa na nakapalaman ang legalization sa paggamit ng E-Bike bilang pampasada.
Sinabi sa Brigada News FM Naga ni Vice Mayor Francis Belen, na nakapalaman din sa isinusulong na ordinansa ang mga regulasyon sa tamang paggamit ng E-bikes. Malaki ang suporta ng LGU sa mga ito lalo na’t nakikita nilang mas marami ang mga namamasada na may edad na.
Sa ngayon, may 400 units na ang nag-ooperate sa bayan at inaasahan nilang dadami pa ito. Pagdating naman sa pagpaparehistro, may ibinibigay na pre-registration ang munisipyo sa ilalim ng Transport Franchising Regulatory Unit upang magkaroon ng pagkakakilanlan ang mga gumagamit ng nasabing sasakyan.