LEGAZPI CITY – Nangangapodan an Legazpi City Task Force Kalinisan at Kaayusan na dai pagparadahan ki mga lunadan an mga bike lanes sa syudad.
Segun kay City Task Force head Mark Andy Marbella, ini komo pagrespetar sa mga nagbibisekleta kaya ngani pigburugtakan ninda ini ki mga signages.
Sinabi niya, kun wara ki maparadahan ki lunadan, magsakripisyo na sana sa pag-commute maski uru-arayo.
Bako na su boot sinda siring kan dati na pirming pigpapasensyahan an mga dai nag-uurutob sa ordinansa.
Dakula man su boot an posibilidad na ma-wheel clamp an saindang awto kun masaktuhan kan team orog na ngunyan na padagos asin urualdaw an pagsagibo ninda ki wheel clamping.
Magin patas sana su boot asin sunudon an mga pinapautob sa syudad.