LEGAZPI CITY – Kinumpirmar kan Legazpi City Tourism Office na wara ki nairehistrong maraot na insidente sa syudad sa nakalihis na pag-obserbar sa Semana Santa.
Sa intrevista kan Brigada News FM Legazpi kay City Tourism Officer Cristina Agapita Pacres, sinabi niya na nakapagtaltag sinda ki mga staff sa lugar na pigruso ki mga tawo siring kan malls, beaches, swimming pools, asin hotels and accomodations.
Segun kay Pacres, piglalaoman nindang doble an numero kan tourists arrival ngunyan na taon kun ikukumpara kan nakalihis na 2023 sa kaparehong peryodo.
Alagad ngunyan, pigpepreparar asin pigkokolektar pa ninda an mga datos nganing isumiter sa Department of Tourism.