LEGAZPI CITY – Matoninong an nagin sitwasyon sa syudad kan Legazpi makalihis an duwang haros magkasunudan na kasiributan kan uminaging semana, partikularmente su eleksyon asin undas.
Ini an nagin assessment ni task force head Mark Andy Marbella.
Sa intrevista saiya kan Brigada News FM Legazpi, nagpapasalamat siya sa gabos na mga katuwang ninda orog na sa pagsyerto kan kaayusan asin seguridad.
Ini partikularmente sa mga personahes kan kapulisan, Bureau of Fire Protection, Public Safety Office, Coast Guard, Kabalikat, CDRRMO, 911, City Planning Office asin dakol pang iba.
Nin huli su boot sa tabang kan mga ini, dai man ki masyadong nagin problema sa pirilian asin sa pag-obserbar kan undas.
Naglalaom si Marbella na sa masunod na taon, magin matoninong liwat an pag-obserbar kan undas asin sa iba pang mga okasyon.