Nagpasalamat ang LGBT Pilipinas kay Pangulong Bongbong Marcos, kasunod ng inilabas na Executive Order number 51, hinggil sa pagtatatag ng special committee para sa LGBTQIA+ community.
Sa inilabas na statement ng LGBT Pilipinas, sinabi nilang mahalagang hakbang ang EO 51 tungo sa pagkilala at pag address sa mga concerns ng LGBTQIA+ community sa bansa.
Pagpapakita raw ito ng commitment ng Pangulo sa pag promote ng inclusivity, pang unawa at equality sa lahat ng Pilipino, anuman ang kanilang sexual orientation, gender identity o expression.
Malaking implekasyon din daw ito sa kanilang paglaban para sa karapatan at pagkakapantay-pantay ng kanilang komunidad sa bansa.
Naniniwala rin ang LGBT Pilipinas na sa pamamagitan ng special committee on LGBTQIA+ affairs, magbibigay daan ito sa paglikha ng mas inclusive at supportive environment para sa kanilang komunidad, hindi lang daw ito mag po-promote ng self-belonging kundi mag aambag rin ng pangkalahatang pagpapabuti sa lipunan.
Nabatid na si Pangulong Bongbong Marcos ang kauna-unahang Presidente sa Pilipinas na bumuo ng Special Committee para sa LGBTQIA+ community.