LEGAZPI CITY – Nagkondusir an lokal na gobyerno kan Daraga nin 4-day youth forum para sa mga estudyante kan banwaan.
Sa paagi kan Municipal Health Office (MHO) asin Department of Health (DOH) Bicol, natawan an mga nag-atendir nin ideya manungod sa COVID-19, adolescence, mental health, anti-drug abuse, nutrition, tuberculosis, sexual characteristics, gender identity, teenage pregnancy, asin iba pa.
Segun kay Mayor Awin Baldo, parte ini kan saindang mga lakdang nganing tawanan nin suporta asin tamang kaaraman an mga jovenes kan komunidad na sainda man na magagamit sa pagigin lider.
Sinabi ni Municipal Health Officer Dra. Edna Freya Tan, naglalaom siyang mai-apply kan mga ini sa saindang buhay an mga nanudan sa tabang kan aktibidad na ini.