LEGAZPI CITY – Piglunsar na kan lokal na gobyerno kan Legazpi an Project Kickoff asin Stakeholder Engagement Workshop para sa Green-Climate Fund Multi-Hazard Impact-Based Forecasting and Early Warning System (MH-IBF-EWS).
Pinangenotan ini kan DOST-PAGASA kasarabay an mga pilot LGUs, DILG, OCD, DENR asin World Food Program.
Segun kay DRRM Chief Engr. Miladee Azur, mas papakusogon kan LGU an impact-based forecast asin warning system para sa mga baha asin severe winds.
An Legazpi, saro su boot sa apat na syudad kan Pilipinas na napili magin pilot sa naumbitan na proyekto.
Dugang pa kaini an tulong pilot areas na iyo an Tuguegarao sa Cagayan, Palo sa Leyte asin New Bataan sa Davao de Oro.
Obheto kaining dugangan an kapasidad na bumilog nin pangharaluyang climate risk reduction asin adaptation measures.