Nakabatun ro local government it Malay it Plaque of Recognition halin sa Department of Tourism sa ginpatigayun nga “Mabuhay at Salamat po! Filipino Brand of Service Excellence Celebration of Love” sa Makati City ku December 12,2023.
Ginakilaea it nasambit nga award ro naging kontribusyon it LGU- Malay bilang isaea sa mga nagapangunang tagapatuman sa pagtaguyod it FBSE o Filipino Brand of Service Excellence, nga nagabulig nga maangkon ro ginaeauman nga projected milestone it 100, 000 tourism stakeholders trained sa bilog nga dag on it 2023.
Nataw-an man it Certificate of Recognition si Chief Tourism Operations Officer it LGU-Malay Municipal Tourism Office, Mr. Felix Delos Santos Jr.
Si Mr. Delos Santos hay sangka certified FBSE Trainer ag nagasueong sa FBSE program it Department of Tourism.
Ginpasaeamatan man it LGU-Malay ro Department of Tourism VI, sa pagpamuno ni Regional Director Crisanta P. Marlene Rodriguez, sa suporta ag sa mga rekomendasyon sa pagkilaea sa mabahoe nga kontribusyon it LGU Malay sa pagpalaganap it mission ag mindset it Filipino Brand of Service Excellence in the Municipality of Malay. // ANN DESLENE SALAZAR