Nagpaguwa makarun ro LGU Numancia it curfew order sa mga menor de edad.
Raya hay base sa Executive Order No. 13, s. 2024, entitled “AN ORDER ADOPTING THE SALIENT PROVISIONS OF ORDINANCE NO. 6 OF 2005: ESTABLISHING THE CURFEW ON MINORS WITHIN THE MUNICIPALITY OF NUMANCIA”, epektibo ku March 20, 2024.
Ro curfew hours sa mga menor de edad hay 10:00PM hasta 4:00AM.
Ro mga naga edad 18 panaba hay owa ginapasugtan nga magtinir sa mga pampublikong lugar ag mga establisyemento komersyal sa nasambit nga banwa.
Magapatigayun ro Numancia Police ag Barangay Public Safety Officers (BPSO/Tanod) it regular roving sa mga gintaeana nga oras it curfew.
Samtang, may gintaeana nga penalidad sa sin-o man nga maga eapas sa nasambit nga sueondanon. // ANN DESLENE SALAZAR