DUNGAN sa takdang pag-host sa GenSan sa Soccsksargen Regional Athletic Association (SRAA) karong tuiga, nagsugod na ang siyudad sa pagpangandam.
Usa sa gihimong pagpangandam, base sa impormasyon gikan sa buhatan sa ehikutibo mao ang padayong pulong sa mga opisyal sa dakbayan kauban ang Department of Education (DepEd). Human gilaoman ang presensiya sa liboan ka mga partisipante gikan sa tibuok rehiyon aron mosalmot sa nagkadula sa tinuig nga SRAA.
Apan nakalabay nga tuig, gikwestyon sa Sangguniang Panlungsod (SP) kung asa himoon sa GenSan ang mga dula. Tungod wala pa mapailawom sa rehabilitasyon ang pipila ka dekada nga Sport complex sa Barangay Calumpang. Ang kabalaka ang gitubag nga himoon ang ubang dula sa ubang venue sa siyudad. I Richel Gubalani