LEGAZPI CITY – Nangangapodan an Libon Municipal Police Station sa gabos na opisyales de barangay magin sa publiko na dai na pabayaang magkaigwa liwat ki organisado asin kriminal na grupo.
Segun kay Chief of Police PCapt. Victor Borjal, dakol kaya na pigre-recruit an Conception Criminal Gang orog na mga aki, kababaihan pati man mga opisyales.
Kun papabayaan sana kaya na magkaigwa pa ki iba pang grupo, mas madakol sana an mga madadamay.
An pangapodan niya sa barangay officials, dai na pabayaang magdakula pa kun igwa man ki maburutwaang criminal groups nganing dai na magdakula an problema.
Kun igwa su boot sindang aram dapit sa grupo, tulos na ining iusip asin i-report sa mga otoridad.
Dawa pa kaya nagadan na an lider kan Conception, dai man giraray su boot makampante orog na kun dai nagsusuruko asin susuportaran pa an nawalat na mga miyembro kaini.