Hingpit nang naposasan sa otoridad ang gibantogang lider sa drug group ug duha ka kauban nga nagalihok sa Agusan del Sur ug Davao de Oro atol sa gikasang drug buy-bust operation sa mga sakop sa PDEA XI ug XIII, Davao de Oro ug Agusan Provincial Office pasado alas syete Domingo sa gabie sa Purok 1, Barangay Pangutusan, Nabunturan, Davao de Oro.
Sa report gikan sa PDEA-XI, giila ang suspek nga si Novelyn Berdera alyas Kokong 21 anyos, Leader sa Berdera Drug Group; ug mga kaunban niini nga sila si Mark Berdera alyas Poypoy, 20 anyos; Wilmar Viscaya alyas Balong 38 anyos nga pulos residente sa Sitio Boan, Barangay Basian, Agusan, Del Sur.
Napalitan ang mga suspek og 5 gramos sa shabu nga mikantidad og P40,000.00 ug narekober pa ang laing 17 ka pakete sa shabu nga mitimbang og 40 gramos dunay estimated market value P600,000.00
Paglapas sa Section 5, 11, ug 12 ubos sa RA 9165 ang gipasakang kaso batok sa tulo ka mga suspek. BNFM-DAVAO