LEGAZPI CITY – Binisto an Ligao City, Albay na national finalist sa pigkondusir na ‘Malinis at Masaganang Karagatan’: The National Search For Outstanding Coastal Community For The Year 2022.
An programang ini, nasa irarom kan Department of Agriculture – Bureau of Fisheries and Aquatic Resources (DA-BFAR) na may obheotng magtaong pagbisto asin onra sa inisyatiba kan mga banwaan asin syudad na namamantenir na maray an sektor kan pagsisira.
Mientrastanto, niresibe ni Vice Mayor Jaypee David sa ngaran ni Mayor Fernando Gonzalez asin sa lokal na gobyerno kan Ligao, kaibahan man si City ENRO Maria Soledad Preña an nasambit na award.
An pag-anunsyar sa mga nanggana asin national finalists, pigkondusir sa tahaw kan 60th Fish Conservation Week Culmination Program sa PICC, Pasay, Metro Manila.