LEGAZPI CITY – Minamawot kan Commission on Elections (COMELEC) na magkaigwa nin matoninong asin ligtas na 2025 Local asin National Elections.
Tinawan doon ni COMELEC Chairperson George Garcia sa sarong pressconference sa Albay kan nakalihis na Lunes an importansya kan transparency sa gabos na proseso.
Sinabi man kaini an manungod sa procurement nin bagong mga makinang gagamiton para sa nasambit na pirilian.
Apwera kaini, may mga lakdang man an komisyon nganing masiyerto an cybersecurity orog na ta nakaresibe asin nakapagrehistro na sinda nin kadakol na mga hacking attempts.
Mientrastanto, sa datos kan komisyon, nasa 71 million na an mga rehistradong botante sa bilog na nasyon asin maabot sa 26 million naman na mga rehistradong SK voters para sa 2025 elections. | Brigada Intern EUGENE ROTIAN