Madinalag-on nga ginturn-over sa kustodiya sang Bureau of Jail Management and Penology – Roxas City District Jail sa Barangay San Jose ang lima ka mga priso gikan sa Roxas Component City Police Station.
Ginkilala ang mga priso nga ginpangturn-over nga sanday alyas Jonathan – nagapangatubang sang kaso nga paglapas sa Republic Act 9165 ukon Comprehensive Dangerous Drugs Act of 2002; alyas Danilo – nagapangatubang sang kaso nga Rape; alyas Rogenel, alyas Carla kag alyas Ana, lunsay nagapangatubang naman sang kaso nga paglapas sa Republic Act 10591 ukon Comprehensive Firearms and Ammunition Regulation Act. | Judy Ann Juare