Limited face-to-face classes target sa 39 ka eskwelahan sa Rehiyon-11

Target karon sa 39 ka skwelahan sa Davao Region nga magpahigayon og limited face-to-face classes karong umaabot nga school year 2021-2022.

Pinakadaghan niini ang anaa sa Davao Occidental kung asa adunay 20 ka skwelahan ang nagplano sa limited face-to-face classes, gisundan sa Davao De Oro ug Tagum City, Davao del Norte nga adunay tag 7 ka skwelahan, samtang sa Davao del Sur adunay 5 ka tulunghaan.

Ang maong plano resulta sa hinay-hinay nga pagkunhod sa mag natalang kaso sa COVID-19 sa maong mga lugar.

Apan giklaro sa Department of Education-XI nga dili pa kini pinal og bisan paman mosugot ang panggamhanan sa planong limited face-to-face classes sa mga tulunghaan, ang ginikanan pa gihapon ang makadesisyon kung tugutan ba ang nasangpit nga learning modality.

Kahibaloan nga dugay ng nanawagan ang National Economic and Development Authority kon NEDA-11 nga suportahan ang limited face-to-face classes.