DAKPAN sa kapulisan ang mag-live-in partner human sa gikasa nga illegal- drug buy bust sa Purok San Roque, Silway, Barangay Dadiangas West, kadlawon sa Oktubre 4.
Naila ang mga suspek nga silang Rocky Frondoza, alyas Rocky, ug Erica Ompad, alias Ekang, temporaryo nga nagpuyo sa nahisgotang lugar. Narekober sa mga suspek ang 35 ka sachet sa gituohang shabu nga may gibug-aton nga gibana-banaang anaa sa 175 grams ug mikabat sa kantidad nga Php1,190,000, lakip usab ang P1,000 nga buy-bust money ug uban pa nga mga non-drug item.
Sumala ni PCol. Nicomedes Olaivar Jr. OIC-Director sa General Santos City Police Office dugay na nila nga giman-manan ang lihok sa mga suspek human migula ang ilahang mga pangalan sa listahan nga nalambigit sa gidili nga droga.
Dugang pa ni Olaivar nasayod na ang pamilya sa mga suspek nga dugay na silang nalambigit sa iligal nga aktibidad. Sa karon balhog na sa selda sa kapulisan ang mga suspek ug takda sab silang pasakaan og kaso nga pagsupak sa Republic Act 9165 o Comprehensive Dangerous Drugs-Act of 2002. I Enamie Mogpon
–