LEGAZPI CITY – Pigpipreparar kan Albay Provincial Veterinary Office an mga livestock farmers para sa posibleng epekto kan El Niño sa probinsya.
Sa intrevista kan Brigada News FM Legazpi kay Provincial Veterinarian Dr. Pancho Mella, sinabi niya na igwang training para sa mga paraomang ini nganing ma-capacitate sinda sa pagsiyerto kan mga kakaunon kan ruminant livestock o itong mga grass-eater na mga hayop.
Segun kay Mella, an mga nasambit na klase ki hayop, iyo an posibleng magsapar sa epekto kan El Niño.
Saro su boot an silage-making sa mga training na piggigibo kan mga livestock farmers o itong pagpreserve kan mga doot na ipapakaon sa mga nasambit na hayop.
Dakula kaya an tyansa na mawara an sources nin mga pagkaon ninda kaya dakulang tabang su boot na may kaaraman dapit digdi.
Segun saiya, an saindang magigin produkto o silage, iyo na an ipapakakan sa mga hayop pag deretsong nawara na an mga sources huli sa El Niño.