nagapdayon nga mahilway nga destinasyon ro Boracay Island para sa mga turista sa pihak it report nga daywa ka bakasyunista ro nakit-an nga patay sa sambilog ka hotel room sa Barangay Balabag, Boracay.
Ginsigurado ni Malay police chief Lt. Col. Don Dicksie De Dios nga ro sikat nga tourist attraction hay mahilway gihapon para sa mga turista.
Matandaan nga ku Marso 21, uwa eun naka-check-out ro sambilog ka Australian national ag anang kaibahan nga Filipino ku Lunes it kaaganhon.
bangud dikara, nag-adto ro staff it hotel sa andang kwarto agud tan-awon pero nakit-an eun eamang ro mga biktima nga naka-eubog sa saeog. Sa presnete, padayon pa ro imbestigasyon it mga otoridad sa nasambitan nga insidente.
Base pa sa pahayag ni De Dios, double-time ro ginahimo it mga kapulisan makara para mapadayon ro seguridad sa isla bangud sa padayon nga pagdagsa it mga turista. Dapat man segun sundon ro mga minimum health protocols agud malikawan ro pagkaeat it virus./JIL B. LACSON