Indi sa gihapon mabaton sang pamilya ni “Dodong” ilabi na ang iya nga lolo nga si Bonifacio Martizano, 85-anyos, sa natabo nga kamatayon sa iya apo nga ginguyod kag gintapakan sang ginasakyan nga karabaw sang tinalikdan nga Mayo 4, sa Barangay San Blas, Pilar, Capiz.
Suno kay Lolo Bonifacio, yara na sa iya pag-atipan si Dodong humalin 1-ka tuig palang ini kag iya nangin kaupod kag nasaligan sa pagpang-uma.
Samtang, naghatag na ang Brigada News FM Roxas Capiz sang bugas, kape, kag iban pa nga kinahanglanon sa paghaya sa biktima.| Frances Joy Preciosa