Takda nga ipahigayon sa Police Regional Office 10 ang duha ka adlaw nga License to own and possess firearms Caravan sa City Hall sa Cagayan de Oro partikular sa quadrangle nga bahin.
Sumala ni PNP-10 Spokesperson Police Major Joan Navarro nga sugdan karon Marso 23 hangtod sa petsa 24 ang nahisgutang caravan diin magbukas kini sugod sa alas 8 sa buntag hangtod sa alas 5 sa hapon.
Tungod niini, gidasig ni Major Navarro ang kadtong nanag-iya o naghupot sa armas nga walay insaktong papel, kahigayonan na aron muhimo og transaksyon sa nahisgutang caravan.
Ang maong aktibidad himuon isip kabahin sa kampanya sa Philippine National Police sa paghingusog sa pakigbatok sa paghupot sa armas nga ilegal.