BICOL – PIGKAKARKOLONG maabot sa labi singko mil na mga kwalipikadong benepisyaryo sa Southern Tagalog asin Bicol an natabangan sa saindang mga pangangaipong medikal sa irarom kan programa kan PCSO.
Sa paagi kan saindang Medical Access Program (MAP), naresibe kan nasabing mga benepisyaryo sa rehiyon asin sur katagalugan nin maabot sa 35.7 million pesos na kantidad an naipanao kan PCSO kaini sanang nakalihis na bulan nin Marso.
Base sa latest bulletin kan ahensya, maabot sa 20,090 na mga benepisyaryo sa man iba ibang parte kan nacion an nagresibe nin asistensya para sa hospital confinement, post-transplant medicines, chemotherapy asin dialysis kan nakallihis na bulan na kabaing nin 158,769,429 na kantidad nin medical aid.
Nagengenot man sa may pinakahalangkaw na alokasyon an National Capital Region na igwang haros 37 million pesos na pondo para sa labi dos mil na mga benepisyaryo; nagsunod an Northern asin Central Luzon na may labi 34.1 million pesos para salabi 4,500 na mga indigent beneficiaries.
Mantang nasa haros labi 29.9 million pesos na kantidad nin medical help na naipaluwas para sa Visayas mantang nasa labi 22 million pesos man para sa Mindanao.
An MAP na mas bistado kaito bilang Individual Medical Assistance Program (IMAP) kan PCSO an pigdesinyo tanganing sa mga namamanwaan na igwang problemang pansalud ,ini man an naka confine sa ospital, nagsasairarom sa medikasyon siring kan therapy o anumang klase nin outpatient healthcare management asin dawa pa an mga pasyenteng kinakaipuhan na magpabolong o magpa opera sa ibang nacion.