Gipasalig sa Department of Environment and Natural Resources – Environmental Management Bureau (DENR-EMB XI) nga hugot ang ilang pagmonitor sa kalidad sa hangin sa Davao region pinaagi sa air quality monitoring stations.
Kini nunot sa mga naggawas nga post sa social media nga grabeng aso sa kalangitan ang nasinatian gumikan sa sunog sa kalasangan sa Indonesia nga nakaapekto sa kalidad sa hangin sa pipila ka bahin sa nasud, labi na dinhi sa Rehiyon.
Hugot sab nga gipasalig sa DENR-EMB XI nga bisan paman sa nahitabong sunog sa Indonesia, wala maapektuhan, gani sa pinakaulahing assessment nagpakita nga ang Air Quality Index anaa sa 𝐆𝐎𝐎𝐃 ang lebel. Nagpasabot lamang kini nga ang kalidad sa hangin 𝐒𝐀𝐓𝐈𝐒𝐅𝐀𝐂𝐓𝐎𝐑𝐘 ug gamay ra o walay risgo sa panglawas.