Pilason ang mag-amay matapos ginpangbuno sa Brgy. II, Roxas City takna alas 6:30 kagab-i sang Dominggo, Setyembre 3.
Ginkilala ang mga biktima nga sanday Manuel Lorenzo, 52-anyos kag ang wala na ginhingadlan nga menor de edad.
Samtang ang suspek amo si Gerardo Adarte Jr., 41-anyos lunsay mga residente sang nasambit nga lugar.
Sandig sa imbestigasyon sang Roxas Component City Police Station, base sa panaysayon sang biktima nga si Manuel, padulong sila sang iya anak sa Barangay Hall sakay sa ila nga motorsiklo agud i-settle kuntani ang reklamo batuk sa hinablos sang suspek nga si Paul Venidic Balguma, 18-anyos, ginapahayag nga hinali nalang ang mga ini ginbanggaan sang suspek kag ginbuno sa dughan si Manuel kun sa diin nagtambang pa ang 15-anyos nga bata apang nabun-an man ini sa kamot.
Ginpadangat sa magkatuhay nga ospital ang mag-amay para sa nagakaigo nga pagbulong.
Sa karon, nagapabilin sa kustodiya sang Roxas City PNP ang suspek matapos boluntaryo nga nagsungka sa kapulisan apang ang gingamit nga hinganiban sa pagpangbuno ang wala narekober. | Judy Ann Juare