Napasakaan na sang kaso nga paglapas sa Republic Act 10591 ukon Comprehensive Firearms and Ammunition Regulation Act ang magtiyo nga nadakpan nga nagasukbit sang iligal nga armas-luthang sa Brgy. Maindang, Cuartero, Capiz.
Ginkilala ang mga nagkaladakpan nga sanday alyas “Roger”, 64-anyos, residente sang Brgy. Maindang kag Alyas “John”, 21-anyos, estudyante kag residente naman sang Brgy. Centro, Dao.
Matandaan nga base sa panaysayon ni alyas John, ginpahayag sini nga nag-upod ini sa iya tiyo bangud sa isa ka trouble.
Nakuha sa paghinakop ni Alyas Roger ang isa ka unit sang 12-gauge shotgun nga may isa ka bala samtang isa ka unit sang .38 caliber revolver kag wala sang bala ang sukbit ni Alyas John.
Sa karon, nagapabilin ang mga suspek sa kustodiya sang Cuartero PNP para sa nagakaigo nga disposisyon. | Judy Ann Juare