Dead-on-arrival ang 16-anyos nga magtutungha human aksidenteng mibangga ang gimaneuhang motorsiklo sa nakaparadang crane bandang alas-8 sa gabii sa National Highway of Brgy. San Isidro, San Francisco Agusan del Sur.
Naila ang napatay nga biktima nga si Mc Rousell Bande Sanchez, 16-anyos, ulitawo, lumulupyo sa P-4, Brgy. San Isidro, San Francisco, Agusan del Sur
Samtang ang nagmaneho sa SANY Truck Crane nga nakarehistro sa Vicente Lao Construction, Panacan Davao City, Davao del Sur nailang si Aldie Pogoy Arcilla, 35-anyos, menyo, ug lumulupyo sa P-4, Brgy. Cabunga-an, Cagdianao, Surigao del Norte.
Sumala sa inisyal nga imbestigasyon nga padulong sa San Fancisco proper ang motorsklong Yamaha Mio 125 gikan sa Barangay San Isidro nga gimaneuhan sa biktima ug wala mabantaye ang nakaparadang crane nga ni-okupa na sa slowlane nga portion sa maong dalan.
Tungod sa kakusog sa impact, maayong pagkalamba ug pagkatrapo sa biktima sa dalan nga bahin. Gidala pa sa SAFER team ngadto na sa D.O. Plaza Memorial Hospital apan gideklarang dead-on arrival ni Dr. Diane Pineda Jagonia, MD. Ang duha ka sakyanan ang anaa na sa kustodiya sa San Francisco MPS alang sa tukmang disposisyon.