Legazpi City – Namataan sa taunang Asian Waterbird Census (AWC) ang mahigit labintatlong libong (13,000) waterbird sa Rehiyong Bicol.
Ang AWC ay pinangunahan ng Department of Environment and Natural Resources (DENR) Bicol sa kasama ng Conservation and Development Division (CDD) sa pamamagitan ng Protected Area Management and Biodiversity Conservation Section (PAMBCS) pati rin ang Provincial Environment and Natural Resources Offices (PENROs), Community Environment and Natural Resources Offices (CENROs), iba’t ibang Local Government Units (LGUs) at ilang bird photographer.
Ilan sa mga lugar sa Albay na natukoy para sa AWC ay ang Lake Bato at Barangay Buga sa Libon, Albay at Malison Lake sa Ligao City.
Ilan sa mga waterbird na nakita ay Cinnamon Bittern, Yellow Bittern, Great Cormorant, White-browed Crake, at marami pang iba.
Ang pagkakaroon ng mga vulnerable species tulad ng Philippine Duck (Anas luzonica), Common Pochard (Aythya ferina) at Chinese Egret (Egretta eulophotes), at malapit sa threatened species tulad ng Red-necked Stint (Calidris ruficollis), Grey-tailed Tatler (Tringa brevipes), at Eurasian Curlew (Numenius arquata) ay naitala din.
Ang pagsasagawa ng AWC ay naglalayong magbigay ng baseline data sa mga pagtatantya at pagsubaybay sa mga pagbabago ng populasyon ng waterbird, pagbutihin ang kaalaman sa mga waterbird species at wetland site, tukuyin at subaybayan ang mga site na mahalaga para sa mga waterbird sa pangkalahatan at ang mga site na maaaring maging kwalipikadong “Wetlands of International Importance” sa ilalim ng Ramsar Convention on Wetlands at dagdagan ang kamalayan sa kahalagahan ng mga waterbird at ang kanilang tirahan.
Ang nasabing census ay ginaganap tuwing Enero kasabay ng iba pang internasyonal na census ng mga waterbird sa Africa, Europe at Neotropics sa ilalim ng International Waterbird Census (IWC).