LEGAZPI CITY – Binuksan muli ng local government unit (lgu) camalig ang job fair para sa mga mamamayan ng camaligueño nitong nakaraang araw matapos ang halos dalawang taon na walang job fair dahil sa pandemya.
Mahigit kumulang sa 50 mga aplikante ang sumailalim sa interview sa ginawang job fair sa nasabing bayan.
Ang public employment service office (peso) camalig ay naghahanap ng warehouse supervisors, inventory slips, inbound encoders, general warehouse crew, mhe operators, outbound encoders, at bottle/empties washers. ang nasabing aktibidad ay naaayon din sa mga mandato sa ilalim ng 12-point executive agenda partikular ang pagsusulong ng mga oportunidad sa trabaho sa gitna ng pandemya ng coronavirus (covid-19) na may layuning mapabuti ang socio-economic development ng camalig.