Pormal nang itinurnover ng Makati LGU sa Bureau of Fire Protection (BFP) ang gusali ng West Rembo Fire sub-station na nasa teritoryo na ngayon ng Taguig City.
Pinangunahan ang pagbubukas ng fire sub-station nina Departmemt of the Interior ang Local Government (DILG) Secretary Benhur Abalos Jr., NCR Regional Director Fire Chief Supt. Nahum Tarroza, at Makati City Administrator Atty. Claro Certeza.
Ayon kay Abalos, nakiusap siya kay Makati City Mayor Abby Binay na ipagamit na muna sa BFP ang gusali upang ipagpatuloy ang serbisyo at operasyon ng bumbero sa nasabing istasyon.
Matatandaang ipinakandado at isinara ng Makati ang West Rembo Fire Station dahil nasa hurisdiksyon at teritoryo na ito ng Taguig City.