Owa it nailistang insidente o zero crime sa bilog nga banwa it Malay sa mismong adlaw it Barangay ag Sangguniang Kabataan Elections (BSKE) ku Oktubre 30, 2023.
Suno kay Malay Chief of Police, Police Lieutenant Colonel Dainis O Amuguis, ro pag angkon it zero crime incident hay bangud man sa maximum deployment it PNP personnel, ag police visibility sa mga matawong lugar ag strategic area sa nasambit nga banwa.
Gin-congratulate man ag gindayaw nanday COMELEC EO III Ms. Elma C. Cahilig, PRO 6 Regional Director PBGEN Sidney N Villaflor ag Aklan PPO Provincial Director PCOL Victorino Romanillos Jr., ro tanan nga operating units, pilang ahensya ag personnel it Malay MPS bangud sa pagsiguro it mga raya nga makaangkon sa Malay it Safe, Accurate, Credible, ag Fair Election para sa Barangay ag Sangguniang Kabataan Elections 2023. // ANN DESLENE SALAZAR