Bag-o na ang hepe sang Mambusao Municipal Police Station matapos gintal-usan ni Police Lieutenant Shaney Allanic si Police Captain Alladen Talaban.
Ang Turn-over of Command Ceremony ang ginpangunahan ni Provincial Director Police Colonel Jerome Afuyog Jr., nga ginhiwat sa Capiz PPO Camp Apil, Lanot, Roxas City, Capiz sang damlag lang.
Sa interview sang Brigada News FM kay PLt. Allanic, iya ginpahayag nga nagapasalamat siya kay Mayor Luzviminda A. Labao sa pagpili sa iya bilang bag-o nga chief of police sang Mambusao.
Nahibaluan, si Allanic ang nagikan sa Roxas City PNP kag katapo sang Police Community Action Team (PCAT) sa sulod sang walo ka bulan.
Suno kay Allanic, mas pasangkaron niya ang police visibility kag checkpoint sa pila ka mga lugar sa Mambusao agud matapna ang mga krimen.
Dugang pa sini, bukas gid ang talatapan sang Mambusao PNP sa mga pumuluyo nga nagakinahanglan sang bulig kag nagapanawagan man ini sa publiko nga indi magkahadlok sa pag-report kun may yara sang nahibaluan nga nagahimo sang malain ukon iligal nga buluhaton sa ila palibot. | Judy Ann Juare