Sikop ang suspetsado sa kasong pagpatay, sa Purok 5, Brgy. Sta. Cruz, La Libertad, Zamboanga Del Norte, kaniadtong Mayo 30, 2021 sa alas 12:25 sa hapon.
Hagbong sa kamot sa kapulisan ang suspek, pinaagi sa hiniusang pwersa sa PNP Conception MPS Misamis Occidental, inubanan sa personahe sa 1st PMFC og La Libertad MPS, nga miresulta sa pagkatiklo ni GLEN GOMEZ PONCE, (Top 4 Most Wanted Person, Municipal Level) 42 anyos, ulitawo, mangingisda, ug residente sa Brgy. Mabunaw, Rizal, Zamboanga Del Norte.
Gidakup ang suspek pinaagi sa giisyung Warrant of Arrest ni Hon Michael Lotao Ajoc, Presiding Judge, Regional Trial Court, 10 Judicial Region, Branch 36, Calamba, Misamis Occidental nga adunay kasong pagpatay, nga wala’y girekomenda nga piyansa.
Ang suspetsado naa karon sa kustodiya sa Concepcion MPS alang sa tukma nga disposisyon.(Jean Ruben)