Padayun nga ginausoy makarun ro sangka mangingisda nga na-missing sa baybayon nga sakop it probinsya it Capiz.
Ginkilaea ro naduea nga mangingisda nga si Rex ‘alyas Ricky’ Peralta, 57yo, single ag taga Brgy. Bakhaw Norte, Kalibo, Aklan.
Suno sa pamilya it biktima nga personal nga nagdangop iya sa Brigada News FM Kalibo, nagpanaw kahapon, Mayo 8 si Rex ag ro daywa kara nga kaibahan para mangisda, pero owa eon raya nakauli hasta makarun.
Pero ro daywang kaibahan ni Rex hay salbar nga nakauli.
Base segun sa daywang kaibahan it biktima, samtang naka-angkla ro andang bangka, gulpi eon lang segun sanda nga binungguan it barko.
Naka eumpat segun sanda sa dagat hasta sa may nag rescue kanda pero owa eon segun nakita si Rex hasta makarun. / ANN DESLENE SALAZAR