NEW WASHINGTON,AKLAN—Narescue ru sangka mangingisda nga sakay it bangka sa baybayon it Songcoloan, Batan, Aklan kahapon, Pebrero 25.
Sa report, nakilaea ru biktima nga si Bobby Tirol, 37 anyos ag residente it nasambit nga lugar.
Maga pangisda konta ru biktima sa nasambit nga baybayon kat hampason it mabaskog nga baeod alas 8:00 it gabie.
Tumaob ru bangka nga ginasakyan it biktima rason nga nag kapyot lang imaw sa katig it bangka ag nagpa lutang-lutang hasta umabot sa 6 nga oras.
Maswerte man nga narescue it sangka mangingisda na naka sakay sa bangka nga ginamaneho ni Joenel Dela Cruz .
Eag man nga gin daea sa Dumaguit Port ru biktima para himon ru first aid ag gin imbistigasyon it Philippine Coast Guard (PCG), PNP Maritime New Washington, New Washington MPS ag MDRRMO-New Washington.
Samtang, sa mayad eon nga condition ru biktima.//MARIVIC Y. ILIN