Mangunguma, nadakpan sa drug buy bust operation sa banwa sang Dumalag

Nadakpan pinaagi sa drug buy bust operation sa gintingub nga pwersa sang mga kapulisan ang isa ka mangunguma nga nagaduso sang illegal nga droga sa Barangay Sto. Niño, Dumalag, Capiz.

Ang wala ginhingadlan nga persona naga edad sang 60-anyos, kasado, kag residente sang nasambit nga Barangay.

Narekober sa paghinakop sang akusado ang P500 nga buy bust money, 1 ka sachet sang ginapatihan shabu nga nagabug-at sang 0.5 gramos kag may market value nga P3,400.

Magapangatubang sa paglapas sa RA 9165 ukon ‘Comprehensive Dangerous Drugs Act of 2002’ ang suspek.

Sa karon, nagapabilin sa kostudiya sang Dumalag MPS ang tigulang para sa nagakaigo nga disposisyon.//KMD Gicalde