Rice Farmers sa banwa sang Pilar, nakabaton sang financial assistance halin sa DA

Tuman ang pagpasalamat sang 1,151 ka mga mangunguma sa banwa sang Pilar matapos nakabaton sang bulig pinansiyal nagikan sa Department of Agriculture (D.A) sa idalum sang Rice Competitiveness Enhancement Fund-Rice Farmers Financial Assistance (RCEF-RFFA) Program.

Ang tagsa ka mangunguma nakabaton sang tig P5,000 nga mahimo nila magamit sa ila mga kinahanglanon sa pagpanguma.

Natigayon ang nasambit nga distribusyon pinaagi sa talatapan sang Office of the Provincial Agriculturist kag gobyerno probinsyal sang Capiz.

Nagtambong man sa amo nga kahiwatan si Capiz Governor Fredenil Castro kag Vice Governor James Magbanua agud pangunahan kag masaksihan mismo ang insakto nga paghatag sang nasambit nga bulig sa mga rice farmers.//KMD Gicalde