Idiniin ng grupong MANIBELA na kahit na paso na ang deadline para sa franchise consolidation – mamamasada pa rin sila.
Sabi ni MANIBELA president Mar Valbuena, kahit na magkaroon na ng hulihan ng mga PUVs na ‘di nagpa-consolidate ay ba-biyahe pa rin sila sa kalsada.
Muli namang iginiit ni Valbuena na ‘di sila tutol sa modernization; ‘Yun nga lang, dapat ay hindi sila mawalan ng pangkabuhayan.
Aniya, dapat ay magkaroon ng ‘win-win’ solution ang Gobyerno kung saan, ‘di naman talo ang mga tsuper.
Bago ito, una nang sinabi ng Department of Transportation (DOTr) na kahit na bawal na ang mga unconsolidated PUVs sa kalsada, mabibigyan pa sila ng hanggang sa dalawang linggo dahil daraan pa rin sila sa due process.