GINAPAHIBALO sa market administration nga ibalhin ang tanang laray vendors sa merkado publiko sugod adlaw nga Lunes, Mayo 31 sa kasamtangan nga tuig.
Segun ni Program Officer Benjamin Sargado nahukman sa ilang meeting nga ibalhin ang tanang nagalaray sa GenSan Public Market sa sulod man o sa gawas nga bahin sugod, Mayo 31.
Ang tumong sa pagbalhin masunod ang health protocol gumikan lisod nga Ipatuman ang social distancing sulod sa merkado ug sa gawas nga bahin kay guot ang agianan, huot usab ang trapiko.
Ang dapit nga balhinan sa mga laray vendors sa Alunan, Lot 6, kabahin sa Barangay Bula ang lugar nga gitagana na sa mga vendors apan subling nibalik sa Cagampang ug Casquejo Street kay walay halin sa Alunan. Gidugang ni Sargado nga temporaryo lang ang pagbalhin ug mahimo nga 24/7 ang pagtinda sa mga vendors sa Alunan. Tungod niini nibati usab og nabalaka ang mga vendors gikan sa sulod nga bahin sumala kay Erica Salem mas maayo gayod sa sulod kay daku ang halin kaysa muuban sila sa mga mag-uuma nga nagabaligya, dili sila mahalinan kay bagsak ang presyo sa mga mag-uuma.