NAG IYAHAY og patala sa Bula Police Station ang usa ka market inspector II ug usa ka watchman sa Central Public Market sa General Santos City human sila nag away.
Sumala kay Mugjahid Kudarat nga human sa ilang Flag Raising Ceremony nagsulti ang watchman nga si Dom Apostol nga makig estorya kaniya apan kalit lang siya nga gikwelyuhan unya gisumbag sa ulo mao nga iyang gitulak hangtud nga natumba sila.
Gidugang ni Kudarat nga ang posible nga hinungdan sa kasuko ni Apostol mao ang gihimo niini nga imbestigasyon kabahin sa alegasyon sa usa ka fish vendor nga maayo lang mangayo og isda ang mga watchman.
Sa bahin ni Market Supervisor III Carlito Esclamado sumala niini nga naghimo sila clearing sa mga timbangan kaniadtong Enero 2, 2024,may na isyuhan og Citation Ticket apan nasuko ang tindera ug may alegasyon mao nga naghimo sila og incedent report.
Samtang ang tindera nga si Marian Rose Montefrio nanalipod sa iyang kaugalingon bahin sa timbangan unya gikumperma niini nga iyang gibundak ang timbangan unya gikumot ang Citation Ticket, gikumperma usab niini nga aduna gayud mga watchman nga nagapangayo og isda samtang ang uban nagapalit usab. I Ver Diazon